Ravikrishna Raveenthiran

 கிரான்குளம் மாரிக்காக              ஒரு காவியம்         🙏🙏🙏🙏🙏🙏🙏🙏 தந்தநத நாதநத நாதநத நானா தனநாத நாதந்த நாதந்த நானா -2 தடவை கிரான்குளத்தூரிலே நிலைகொண்டு நின்று கிருபதனை தந்திடும் மாரியென ஆனாய் உன்பதம் நாடிவரும் அடியவர் கூடியே உனதருளை பாடியே உலகோர்க்கு சொன்னோம் தந்தநத ................................................. அன்புடனே வந்தோமே அம்மா உன் பதி சேர அருளொளியை பொழிந்துமே மாரியே காப்பாய் பொன்னடி சேர்ந்திட வாழ்வுமே தழைக்கும் பொலிவுடன் நிற்கும் உன் திருக்கோயில் மலரும் தந்தநத ................................................. தாயென நினைத்துமே தாழ்ந்திடும் உள்ளம் தாங்கிடும் சக்தி தரும் மாரியே தாயே எண்ணங்கள் தூய்மை பெற உனை நாடுமம்மா என் உயிர் நாயகி நீயானாயம்மா தந்தநத ................................................. இன்னல்கள் நீக்கிடும் ஈஸ்வரியும் நீயே இறை அருள் தருவாயே மாரியேயம்மா கண்ணீர் துடைத்திடும் கருணைமிகு தாயே காக்கும் கதியான நீ மாரியம்மா தந்தநத ................................................. மங்களம் தருமே உன் திருநாமமம...

 தமிழர்கள் ஏன் சித்திரைப்புத்தாண்டை கொண்டாடுகின்றார்கள் தமிழர்கள் ஆண்டுதோறும் மிகுந்த மகிழ்ச்சியுடன் கொண்டாடும் திருநாள்களில் ஒன்றாக சித்திரை வருடப்பிறப்பு (தமிழ் புத்தாண்டு) குறிப்பிடத்தக்கது. இது பொதுவாக ஏப்ரல் 14 அல்லது 15 ஆம் தேதிகளில் வருகிறது. இந்த நாளை “சித்திரைத் திருநாள்” என்றும் அழைக்கின்றனர். தமிழர்கள் ஏன் இந்த நாளை வருடப்பிறப்பாகக் கொண்டாடுகின்றார்கள் என்பதை புரிந்துகொள்ள கலாசாரம், இயற்கை, ஜோதிடம் மற்றும் மரபு ஆகிய அம்சங்களை கவனிக்க வேண்டும். முதலில், சித்திரை மாதம் தமிழ்க் காலண்டரில் முதல் மாதமாகக் கருதப்படுகிறது. தமிழ்க் காலண்டர் சூரியன் இயக்கத்தை அடிப்படையாகக் கொண்டு அமைக்கப்பட்டுள்ளது. சூரியன் மேஷ ராசிக்குள் நுழையும் நாள் தமிழ்ப் புத்தாண்டின் தொடக்கமாகக் கருதப்படுகிறது. இது புதிய சுழற்சியின் ஆரம்பமாகக் கருதப்படுவதால், அந்த நாளை வருடப்பிறப்பாகக் கொண்டாடுகின்றனர். இயற்கை காரணங்களும் இதற்குக் காரணமாகும். சித்திரை மாதம் வசந்த காலத்தின் ஆரம்பமாகும். இந்த காலத்தில் மரங்கள் புதிய இலைகளை முளைக்கத் தொடங்குகின்றன; மலர்கள் பூத்து குலுங்குகின்றன; விவசாய நிலங்கள் புத்துணர்ச்சியு...

  காலத்தை கற்றுக் கொடுத்த மூதாட்டி ############################## கோவில்கள், குளங்கள், மண் வாசனை என் அனைத்தும் இணைந்திருந்த சிறிய கிராமம் அது. அந்தக் கிராமத்தில் வாழ்ந்தாள் செல்வம்மாள் என்ற மூதாட்டி. வயது எழுபத்தைத் தாண்டியிருந்தாலும், மனதில் உற்சாகம் குறையவில்லை. அவள் கணவர் இறந்ததும், மகன்கள் நகரத்திற்குச் சென்று தங்களது வாழ்க்கையில் மூழ்கிவிட்டதும், அவள் தனியாகவே வாழ்ந்து வந்தாள். செல்வம்மாளுக்கு ஒரு பழக்கம் இருந்தது காலை எழுந்தவுடன் குளத்துக்கு சென்று தண்ணீர் எடுத்து, கோவிலுக்கு மலர் எடுத்துச் சென்று வழிபடுவது. ஆனால், அவள் மனதில் ஒரு வலி இருந்தது. அந்தக் கிராமத்தில் வாழ்ந்த பெரும்பாலான மக்கள் ஏழைகள். அவர்கள் தினமும் உழைத்து சம்பாதிப்பது அவர்களது வயிற்றை மட்டுமே நிரப்பும். கல்வி, மருத்துவம் போன்றவை அவர்களுக்கு கனவாகவே இருந்தது. அதே கிராமத்தில் குமரன் என்ற பணக்காரர் வாழ்ந்தார். நிலம், வீடு, தொழில் என் அனைத்தும்அவருக்கே உரித்தானதாக இருந்தது. ஆனால், அவர் மனதில் கருணை குறைவு. “நான் உழைத்துப் பெற்றது, ஏன் பிறருக்கு கொடுக்க வேண்டும்?” என்று எப்போதும் சொல்லிக்கொண்டிருப்பார். கிராம ம...

 காதலர் தினம் ஏன் கொண்டாடப்படுகிறது? ======================================= காதலர் தினம் உலகம் முழுவதும் பிப்ரவரி 14ஆம் தேதி கொண்டாடப்படும் ஒரு சிறப்பு நாளாகும். இந்த நாள் காதலை வெளிப்படுத்தும் நாளாக கருதப்படுகிறது. மனித வாழ்க்கையில் காதல் என்பது மிக முக்கியமான உணர்வாகும். அன்பும் பரிவும் நிறைந்த உறவுகளை நினைவுபடுத்துவதற்காகவே காதலர் தினம் கொண்டாடப்படுகிறது. காதலர் தினத்தின் தொடக்கம் வரலாற்றில் இருந்து வருகிறது. ரோமப் பேரரசில் “செயின்ட் வாலென்டைன்” என்ற கிறிஸ்தவ பாதிரியார் இருந்தார். அக்காலத்தில் அரசன் திருமணத்தைத் தடை செய்திருந்தான். ஆனால் வாலென்டைன் இளம் காதலர்களுக்கு ரகசியமாக திருமணம் செய்து வைத்தார். இதனால் அரசன் அவரை கைது செய்து மரண தண்டனை வழங்கினான். அவர் இறந்த நாள் பிப்ரவரி 14 ஆகும். அவரது தியாகத்தை நினைவுகூரும் வகையில் இந்த நாள் “வாலென்டைன் தினம்” என அழைக்கப்பட்டது. பின்னர் அது காதலர் தினமாக பரவலாக கொண்டாடப்படத் தொடங்கியது. காதலர் தினம் காதலர்கள் மட்டும் கொண்டாடும் நாளாக இல்லாமல், அன்பை வெளிப்படுத்தும் நாளாகவும் உள்ளது. காதல் என்பது காதலர் காதலிக்கு மட்டும் அல்ல; அது பெற்ற...

 எது சுதந்திரம் ============= எது சுதந்திரம்? சங்கிலிகள் உடைத்தெறிந்து மனம் தன்னைத் திறந்த நொடியா? பேச உரிமை கிடைத்த பொழுதா பேசாமல் இருக்கத் தீர்வு  கிடைத்த வலுவா? பயம் இல்லாத  நட்புறவுப் பாதையா பயத்துடன் நடந்தாலும்  தலை தன்னை நிமிர்த்திடும் தைரியமா? வானமது எல்லையா எல்லையை மறக்கும்  மிடுக்குப் பார்வையா? வயிறு நிரம்பும் பிண்டமா பிறருக்குப் பகிரும் பண்டமா? புள்ளடி போடும் விரலா நீதி தேடும் குரலா? ஆணை மறுக்கும் நிறை தைரியமா தவறை ஒப்புக்கொள்ளும் பணிவா? மதம் தாண்டும் மனிதமா மொழியும் தாண்டும் அன்புடமையா? நிறம் தாண்டிடும் நட்பா இனம் தாண்டும் சமத்துவமா? கல்வி தருவிக்கும் கண்களா கேள்விகள் கேட்கின்ற துணிவா? உழைப்பின் வியர்வைத் துளிகளா வியர்வைத் துளிகளுக்கு மதிப்பா? மனங்கொளும் சிரிப்பா பேதைமைக் களிப்பா? குழந்தையாய் கனவா கனவுகள் கலைக்காத உலகா? இயற்கையின் சுவாசமா அதை துணிவுடன் காக்கின்ற பொறுப்பா? சட்டத்தை எழுதிடும் கையா மனிதத்தை எழுதிடும் மனமா? எதிர்ப்பினைச் சகிப்பதா வேறுபாட்டை வாழ்த்துவதா? மௌனத்தை உடைக்கின்ற குரலா குரலதைக் காயப்படுத்திடா செவிகளா? நினைவுகளை மதிப்பதா எதிர்காலத...

  சிலருக்குள் போலி மனிதம் ~~~~~~~~~~~~~~~~~~~~~~~~~ ஏன் சில மனிதர்கள் தமது போலித் தனங்களை ஏற்க மறுக்கின்றார்கள்? மனித வாழ்க்கை உண்மையும் நடிப்பும் கலந்த ஒரு சிக்கலான பயணம். ஒருவர் தம்மை உண்மையாக வெளிப்படுத்தும் தருணங்களும், சமூக சூழ்நிலை காரணமாக போலியாக நடிக்கும் தருணங்களும் வாழ்க்கையில் தவிர்க்க முடியாதவையாகும். ஆனால் சில மனிதர்கள் தங்கள் போலித் தனங்களை உணர்ந்தும், ஏற்க மறுப்பது ஒரு ஆழமான உளவியல் மற்றும் சமூக பிரச்சினையாக விளங்குகிறது. முதலாவது காரணம் சுயப் பெருமை (Ego) ஆகும். மனிதன் தன்னை நல்லவன், நேர்மையானவன், உயர்ந்த குணம் கொண்டவன் என்று எண்ண விரும்புகிறான். தன்னுள் இருக்கும் போலித்தனம், பொய்மை, நடிப்பு ஆகியவற்றை ஏற்றுக்கொள்வது அவனது சுய மதிப்பை குலைக்கும் என்று பயப்படுகிறான். “நான் இப்படிப்பட்டவன் அல்ல” என்ற எண்ணமே அவனை உண்மையை மறுக்கச் செய்கிறது. இரண்டாவது காரணம் சமூக அங்கீகாரம். சமூகம் மனிதனை ஒரு முகமூடி அணியச் செய்கிறது. வேலை, உறவுகள், அரசியல், மதம் போன்ற பல தளங்களில் ஒருவர் தன்னை உண்மையாக வெளிப்படுத்தினால் ஏற்றுக்கொள்ளப்படமாட்டான் என்ற பயம் உள்ளது. ஆகவே போலியாக நடிப்பதை வழ...

  இன்றைய வளரும் தலைமுறையும் செயற்கை நுண்ணறிவும் ####################### இன்றைய உலகம் வேகமாக தொழில்நுட்பமயமாகி வருகின்றது. அந்த மாற்றங்களின் மையமாக விளங்குவது செயற்கை நுண்ணறிவு (Artificial Intelligence – AI) ஆகும். மனித அறிவை ஒத்துச் செயல்படும் திறன் கொண்ட கணினி அமைப்புகளே செயற்கை நுண்ணறிவு எனப்படுகிறது. இத்தொழில்நுட்பம் இன்றைய வளரும் தலைமுறையின் வாழ்க்கை, கல்வி, தொழில் மற்றும் சிந்தனை முறைகளில் பெரும் தாக்கத்தை ஏற்படுத்தி வருகிறது. வளரும் தலைமுறை சிறுவயதிலிருந்தே தொழில்நுட்ப சூழலோடு பழகி வருகிறது. கிரான் வாய்ந்த கைபேசி (smartphone), கணினி, இணையம் போன்றவை அவர்களின் நாளந்த வாழ்க்கையின் ஒரு பகுதியாகிவிட்டன. இதில் செயற்கை நுண்ணறிவு அடிப்படையிலான செயலிகள், குரல் உதவியாளர்கள், தேடுபொறிகள், சமூக வலைத்தளங்கள் போன்றவை முக்கிய பங்கு வகிக்கின்றன. இதன் மூலம் மாணவர்கள் தகவல்களை விரைவாகப் பெறவும், புதிய விஷயங்களை சுயமாகக் கற்றுக்கொள்ளவும் முடிகிறது. கல்வித்துறையில் செயற்கை நுண்ணறிவு மிகப்பெரிய மாற்றங்களை உருவாக்கியுள்ளது. நிகழ்நிலைக் கற்றல் தளங்கள், தனிப்பயன் (personalized) கற்றல் முறைகள், தா...

  செட்டிபாளையம் கண்ணகி அம்மன் ஆலயமும் காவடி ஆட்டமும் ########################## காவடி ஆட்டம் தமிழர் பண்பாட்டின் ஆன்மீக வெளிப்பாடு. முருகப் பெருமானுக்கான விரதப் பணிவும், பக்தியும், தியாக உணர்வும் இதில் பிரதிபலிக்கின்றன. தைப்பூசம், பங்குனி உத்திரம் போன்ற திருவிழாக்களில் பக்தர்கள் காவடி சுமந்து பாடல்களுடன் ஆடி, தங்கள் நேர்த்திக் கடனை நிறைவேற்றுகிறார்கள். உடல் வலியை மறந்து, உள்ளார்ந்த நம்பிக்கையோடு இறைவனை அணுகும் இந்த ஆட்டம், சமூகவாழ்வில் ஒற்றுமை, தன்னடக்கம், சேவை மனப்பான்மை போன்ற உயரிய பண்புகளை வளர்க்கிறது. தலைமுறை தோறும் கடந்து வரும் இந்த மரபு, இன்றும் இளைஞர்களிடையே ஆன்மீக ஈர்ப்பை உருவாக்குகிறது. செட்டிபாளையம் மட் கண்ணகி அம்மன் ஆலயம் தமிழர் பண்பாட்டின் நீதியும் தூய்மையும் பிரதிபலிக்கும் புனித தலம். சிலப்பதிகாரக் கண்ணகியின் தியாகமும் தர்மமும் இங்கு வழிபாட்டின் மையமாகத் திகழ்கின்றன. வருடாந்திர திருவிழாக்கள், கூட்டு வழிபாடுகள், ஊர்வலங்கள் சமூக ஒற்றுமையை வலுப்படுத்துகின்றன. இந்த ஆலயம் மக்களின் வாழ்க்கையில் நம்பிக்கை, அறம், கருணை ஆகிய மதிப்புகளை ஊட்டுகிறது. முடிவாக, காவடி ஆட்டமும் சேட...

  யோகாவும் தியானமும் நோய்களைக் குணப்படுத்துமா? நவீன வாழ்க்கையில் பரபரப்பாக இயங்க வேண்டிய நெருக்கடியான சூழலில் இன்றைய உலகம் சுழல்கிறது. தகவல் தொழில்நுட்பத்தின் பிரம்மாண்டமான வளர்ச்சி காரணமாக, எல்லோரும் அறிவியல் கருவிகளுடன் புழங்க வேண்டியுள்ளது. முன்னர் நிலத்தில் தானியத்தை விதைத்துவிட்டு எவ்வித அவசரமும் இன்றி வாழ்ந்த கிராமத்து விவசாயிகளின் இயற்கை சார்ந்த எளிமையான மனநிலை தற்போது அந்நியமாகிவிட்டது. இன்று குழந்தைகளைப் பள்ளிக்கு அனுப்புவது முதலாகத் தொடங்கும் ஓட்டமும் பதற்றமும் ஒருபோதும் முடிவதில்லை. ஏதாவது பொருளை வாங்கு, பயன்படுத்து, ரசனையை மாற்று, தூக்கியெறி, புதிய பொருளை வாங்கு என்ற நுகர்பொருள் பண்பாட்டு தாரக மந்திரம் எல்லாவற்றையும் சந்தைப்படுத்திவிட்டது. கணவன், மனைவி, குழந்தைகள் என்ற அணுக் குடும்பம் காரணமாகச் சிதிலமான குடும்ப உறவுகள், அந்நியமாதலை ஏற்படுத்திவிட்டன. இந்தச் சூழலில் பல்வேறு பிரச்சினைகளால் அல்லல்படும் மனிதன், மன உளைச்சலுக்கு உள்ளாகிறான். இதனால் உடலிலும் மனதிலும் ஏற்படும் நோய்கள் பெரிதும் மனதையே பாதிக்கின்றன. நெருக்கடியும் நோயும் நவீன வாழ்க்கையில் பொருளாதார நெருக்கடி, அ...

 அனைத்து உறவுகளுக்கும் தித்திக்கும் இனிய தைத்திருநாள் நல்வாழ்த்துகள்  🌾🌾🌾🌾🌾🌾🌾🌾🌾🌾🌾🌾🌾🌾🌾🌾🌾 ​கதிரவன் சிரிப்பில்  விடியலதுபூத்திருக்க கார்மேகம் பொழிந்தபடி  மழையதனைத் தேக்கிவைக்க உழவனன் சிந்தையதன்  களிப்பதனில் ஆழ்ந்திருக்க உயிர்கள் யாவும்  பூமியிலே மகிழ்ந்திருக்க ​வாசல் தெளித்துக்  கோலம் இட்டு வண்ணமிகு மலர்களவை  சூட்டி வைத்து புதுப்பானை ஏற்றி  அடுப்புக் கூட்டி பொங்கலோ பொங்கல்  என குரலெழுப்பி ​வெல்லப் பாகுதனில்  அரிசியது நனைய உள்ளக் கவலை யாவும்  கரைந்து போக மஞ்சள் குலைகளவை  மணம் பரப்பி மாடல்லவோ செல்வம்  எனச் சிறப்பிடமாய் ​உழவே உலகதனின்  அச்சாணி என்று உணர்த்தும் உன்னதத்  திருநாள் இன்று சாதி மதங்கள்  யாவும் கடந்து சமத்துவம் ஓங்கிட  அன்பில் இணைந்து ​புதுமையது பூக்க பொங்கட்டும் பொங்கல் புன்னகை சிந்தத்  ததும்பட்டும் மங்கலம் வாழும் காலம்  வளமாகி அமையட்டும் வாழ்த்துகள் சொல்லிச் சொல்லி  தித்திப்பு பெருகட்டும்! 🌾🌾🌾🌾🌾🌾🌾🌾🌾🌾 கவிஞர் ரவிகிருஷ்ணா  கிரான் குளம் மட்டக்களப்பு